و الله فعلا معاك حق إذاي نقول ان السيد النسر الصقر القـائد الاعلى للقوات المسلحة الرئيس حامي الديار / محمد حسني مبارك " 
وحش " بأمانة عالم ظالمة و نستاهل اكتر من كدا. ليه ؟ . . . الشعب لابد أن يكون فقيراً . . الفقراء يدخلون الجنة
( على رأي الزعيم " عادل إمام ")
الراجل عايزنا ندخل الجنة نقوم نعمل كدا و نكتب كل الكلام الكخة دا ؟ .. ؟ ..
ايه الافترى دا مش كفاية انه سايبنا عايشين اساساً و بناكل و بنشرب آي نعم " المية ملوثة " بس مش حادقة ، و آي نعم" الأكل كله كيماويات و مسرطن " لكن لما بيتغسل بينزل الرمل اللي فيه كله يعنى بيبقى نضيف من برا عشان منقرفش يا جماعة كفاية ظلم بقى.
و يمكن كمان الراجل يكون غلى اللحمة عشان الناس الفقيرة تتصرف و تاكل الحمير و الكلاب و القطط. يعنى الراجل فتحلنا باب رزق جديد أهو اومال في ايه بقى بلاش افتري على الراجل و بيقول يا جماعة اللي يجوع ياخد أي قطة أو كلب من الحيوانات الضالة و يدبح " على الشريعة الاسلامية " و يطبخها و ياكل بالهناء و الشفاء " ومطرح ما يهري يهري "
فعلاً احنا ظــالميـــن جدااا
و فى الآخر نقول للرئيس مبارك ربنا يطولنا فى عمرك كمان و كمان " و هشتكنا و بشتكنا يا ريس دا انت رئيس، كويس
يا مدلعنا يا مشخلعنا هشتكنا و بشتكنا يا ريس "