فى الاول عايز اقووول واشهدلها فعلا من خلال ردودها ومعلوماتى عنها ان مشمشة رومانسية الى درجة لا يمكن تصورها
ورومانسيتها دى مش موجودة كتيير اليومين دول ومن خلال رومانسيتها تقدر تحكم ع باقى صفاتها وشخصيتها لانها بتاثر ع كل جوانب شخصيتها بدءا من

تجربتها الاولى فى الحب اللى فشلت واثرت فيها وغيرت معاانى كتيير فيها وتجربتها دى هيه بتعتبرها اسوا شئ فى حياتها وممكن نقوول نقاط بسيطة كده عن شخصية مشمشة

- تحب تشووف اللى حواليها مبسوطين فبتحرص اووى ع مشاعر الناس اللى تعرفها
-قد تكوون بتعانى من وحدة وده برضه سببها تجربتها فتقريبا ملهاش اصحاب رغم انها انبساطية واجتماعية بشكل كبير بس بتتكلم مع قريبتها ومع ذلك هيه بتحب الشعر والكتابة عموما وبتحاول تتخذهم اصحاب بدل الناس !!
-مبتحبش دراستها بتفضل اللون الاسود والاكلة .. الحواوشى والممثل احمد حلمى
-بعد تجربتها الصعبة مش عايزة غير فى حبيبها انه يحبها ويكوون صريح وكل هدفها انها تنسى تجربتها الاولى
-بالنسبة لافكارها وارائها بتؤيد الزواج العاطفى وشايفه انه ناادر اليومين دول ، عندها زواجها من اللى بتحبه اهم من شهادتها او دراستها عموما بتعترف اووى بالصداقة بين الرجل والمراة صعبانة عليها اووى نفسها اللى ظلمتها
-من اقتراحاتها للمنتدى بتؤيد انه يبقى فى قسم للحب
-على فكرة بتتميز بصراحة حلووة خالص ودى واضحة اووى فى ردودها فى فقرة رايك فى الاعضاء
-صفاتها الشكلية والمادية طولها تقريبا 165سم ووزنها 52 كيلو لون بشرتها بيضة بس مش اوى
-علاقتها باهلها مش بتعدى حدود انهم اصحاب ودى مؤثرة عليها رغم انها ملهاش اخوات
-ثقتها قلت بالناس عموما وده حصل خاصة بعد تجربتها الفاشلة وطيبتها المطلقة
-بيقسى قلبها من كتر الاسية من الاخرين يعنى لما حد يظلمنها بتسامح على اد ماتقدر لكن لما يتمادى فظلمه فكل انسان مننا ليه طاقة واكيد غصب عنها هتتعلم الاسية
-بتفضل الانسحاب عند الخيانة
-بتصنف نفسها إيجابية ودى نظرة امل بتعيش بيها وثقة مطلوبة لحياتها
-بتفضل الانسحاب لما يكون مفيش جدوى من الكلام وبتفضل الانسحاب لما بتتعرض لخيانة من اللى بتثق فيه
-بتحب التفاهم والحنية والشخص المتفاهم واهم حاجة عندها الحب
-ببساطة لانها شايفة اى حاجة تانية ممكن تيجى بعدين عن طريق الحب لكن مفيش اى حاجة ممكن تجيب الحب
-بتحكم قلبها اكتر من عقلها بحكم رومانسيتها وده بيسببلها مشاكل كتيير برضه
-الخيانة فى نظرها مش خيانة جسدية او انه يعرف واحدة تانية عليها الخيانة انه يدوسها الخيانة انه ينسى الى ميتنسيش الخيانة انه يوعد وميوفيش انه يجرح وميحسش بجرحه انه يظلم وميحسش بوجعى انه يفرح فوقت حزنى انه يبعنى رخيص فوقت ما اشتريته غالى انه ينسى الى عملته عشانه وحاجات تانيه كتير .. وده ع لسانها وعلى فكرة تعيبراتها بتدل فعلا ع موهبتها فى الشعر
-اراء ليها فى بعض الكلمات
الخيانة ..
ابشع شئ فالوجود احساس صعب موت ربنا ميحكمش على حد يجربة احساس قاتل انا عندى اموت ومحسوش تانى .
المرأه..عكاذ الراجل الى بيتسند علية وبيمشى بيه وحيطان البيت الى بتسترة .
الصداقة .. تؤام روح وحد ينصحك يحس بيك من غير كلام المهم البعد عن المصالح .
النميمة .. اللهم احفظنا بس لو جينا ندور دلوقتى مفيش حد مبيتكلمش على حد وده من اسباب بعدى عن اصحابى كلامهم على بعض .
النفاق .. انا عندى احس بكرة الى ادامى او حقده او يقول رأى وحش عنى ادامى ومينافئنيش واتغر فيه انه بيحبنى وهو غير كده .
العاقل : العقل اساس نجاح الانسان وحب الناس لشخصيته .
المتكبر : الله اكبر ده مرض الكبرياء مرض ربنا يشفى مريضة منه ويبعده عننا .
المتواضع : من تواضع لله رفعه يعنى كل مالانسان يتواضع ربنا بيعلى من قيمته وقدرة .
المجنون : المهم ايه الى جننه يا الخيانة يا الفلوس ياحقد الناس يالتفكير وفالنهايه كله تكفير ذنوب وعالاقل مش هيتحاسب .
الحب : احساس اسمى شئ فالدنيا وميتوصفش بكلام .
الرومانسيه : صفة كويسه بس المهم متوديش صاحبها لنهاية غلط او سكة بعيدة زى ماعملت معايا .
الجمال : ان الله جميل يحب الجمال والجمال مش جمال الشكل جمال الباطن جمال الروح جمال التعامل وكده .
رقة المشاعر : احساس جميل وقاتل بس فالنهاية شئ حلو .