 meshmesha
اسئلةsoso
اولا احب اقولك انى بجد حبيتك من قبل ماعرفك وخصوصا انك من بورسعيد برضوا عشان كده كنت اتمنى اننا نكون اصدقاء وياريت تجاوبي علي شويه الاسئله الصغننه ديه
ربنا يخليكى ياسماح كلك ذوق وانا كمان نفسى نكون اصحاب وان شاء الله هحل المشكلة الى عندى فالاضافة ونتكلم مع بعض .
ماهو هدفك من الدخول للمنتديات بصفه عامه /
الاول كان ذهق انى مش عندى حاجة اعملها ودلوقتى بقيت بحب الموضوع جدا ومبقدرش اقطع .
مامواصفات شريكه حياتك/
مليش اى مواصفات غير انه يحبنى ويقدر حبى ليه .
- أحد علماء النفس قال ذات مرة : أنه باستطاعة الانسان العيش من دون اصدقاء .. ماذا ترى أنتي ؟؟؟
مش عارفة هو الموضوع ده كان فالاول صعب عليه عشان كان ليه اصحاب كتير وكنت بحبهم اوى بس بعد كده اتعودت واخدت على كده والموضوع بقى عادى .
متى يقسو قلبك ؟
يقسو قلبى من كتر الاسية من الاخرين يعنى لما حد يظلمنى بسامح على اد ماقدر لكن لما يتمادى فظلمه فكل انسان مننا ليه طاقة واكيد غصب عنى هتعلم الاسية . على فكرة السؤال ده عجبنى اوى .
- هل حدث أن انتصرتي على نفسك يوما وأحصيتي عيوبك ؟
اه بس المهم انى لسه شيفة عيوب متصلحتش ومش قادرة اصلحها .
في زمن البحث عن المادة ... عن ماذا تبحث أنتي ؟
ابحث عن الصدق فالصدق اساس كل حاجة من وجهة نظرى اساس الحب اساس الثقة اساس التفاهم اساس الامان اساس كل الاحاسيس الى بتمنى الاقيها واعشها .
ماهو هدفك بالحياة؟
حاليا اقدر اتغلب على كل حاجة جوايا لسه بتشدنى للماضى وافكر بعقلى واركن قلبى شوية لانه ودانى فداهية 
- ضمن من تصنفي نفسك سلبيه ام ايجابيه؟
لا الحمد لله انا شيفة رغم النقط الى بعلق عليها فشخصيتى بس انا شيفة نفسى ايجابية الحمد لله .
عندما يحتد النقاش وتحس انك تناقش موضوع لا جدوى من مناقشته لانه لن يتغير الوضع ماذا تفعلي؟
بنسحب ونفسيتى بتتعب وبتخنق بس فالنهاية لازم انسحب عشان متعاملش مع الطرف الاخر فالنقاش بطريقة وحشة لانى عصبية جدا .
عندما تتناقش ايضاً في موضوع وفي النهايه بعد اصرار منك بالبدايه انك على حق فتكتشف ان الذي امامك على حق ماذا يكون رد فعلك؟
لو اقتنعت هسلم وهلين وهعترف انى كنت غلط اكيد بس ده لو اقتنعت .
- لو تفاجأت بخيانه شخص عزيز ايا كان كيف تتصرفي معه؟
برده هنسحب لان الصمت اسمى معانى الكلام وكمان ساعتها مش هلاقى كلام اقوله لان مفيش اى كلام فالدنيا هيقدر يعبر عن الى جوايا ساعتها فهنسحب عشان احافظ على الى باقى من كرامتى .
- لو طلب منك تولي منصب الوزير من تختار من الوزارات وماهي قراراتك؟
وزير التربيه والتعليم عشان الغى التعليم وارتاح .
- انت من مدينة تحبيها وتعشقيها بكل مافيها فاذكر مدينتك وعبر عنها بكلمتين فقط؟
انا من بورسعيد معروفة بطيبة اهلها وهى مدينة ساحلية مليانة من خير ربنا .
- أعضاء تعجبك كتابتهم وقل رأيك بشخصياتهم سوا ايجابيه ام سلبيه؟
انا بحب كتابات سكيتر عشان بحس انه مثقف وبيلم بمعلومات اكبر من سنة بكتيييييييييييييير وبحب كتابات بيبه جدا لانها اكتر مواضيعها زجل وشعر وانا بعشق الشعر .
واخيرا مارايك في العضوه سوسو وبصراحه
واخيرا ياستى سوسو دى زى العسل وبنت بورسعيدية جدعة وشكلنا هنبقى اصحاب حلوين اوى ( دلوقتى  سوسو ) بس خليكى جدعة ومتقوليلهاش .
الف شكر على الاسئلة الجامدة دى ويارب قريب نتعرف ببعض ونشوف بعض كمان واشوفك فالورطة الجاية .
__________________ سأحاول أن أقول ولا أقول
فحزنى أكبر من أن تستوعبه العقول
سأحاول أن أعيش وأن أكون
فى زمن يملأه الحقد والظنون
سأحاول أن ابتسم أمام الناس
وأخفى دموعى فالعيون كالماس
سأحاول أن أكون عالحياة قادر
فمالى اختيار فيها حتى أغادر . |