بطاقتك الشخصية كلها اسمك وسنك وتاريخ ميلادك وعنوانك وجنسيتك وديانتك وحالتك الاجتماعية .. كله يعنى ؟؟
اسمي محمد . السن 21 سنه . تاريخ ميلادي 10/4/1987 . جنسيتي مصري . و الديانه مسلم و الحمد لله . الحاله الاجتماعية اعزب 
اوصفلى بقى شكلك .. ككل؟؟ .. بتدخن ولا لا ؟؟
مش بعرف اوصف شكلي للاسف بس انا مش طخين ولا قصير ولا طويل و لوني قمحي . و للاسف بدخن
مجال دراستك وبتحبه ولا ؟؟
الحاسب الالي " الكمبيوتر " بشكل عام مدمنه
لونك واكلتك وشرابك وفيلمك وممثلك المفضل وبالمرة مطربة ومطربتك ؟؟
لوني قمحي . اكلتي الجمبري . شرابي المفضل المانجو 
. الممثل المفضل احمد السقا . المطرب المفضل عمرو دياب . و المطربه اليسا
ايه الصفه اللى لازم تتوفر فى صحبك؟؟
كتم السر
ايه اكتر شىء يضايقك؟
الكدب
مين اكتر انسان تحبه؟؟
امـــــي
ايه اخر حاجه غلط عملتها؟
حاجه احب احتفظ بيها لنفسي ...
مين اكتر شخص بتعزه هنا فى المنتدى؟ و ليه؟
اسلام . لانه اكتر من اخ و صديق . و حجات كتير اخاف انسي منهم حاجه
امتى اخر مره كدبت على حد؟
من يومين علي امــي 
مين الشخص اللى هنا فى المنتدى و نفسك تقتله او يتلغى عضويته او مين العضو اللى مخنوق منه حبتين ؟؟
والله مش هقول اني عاوز اقتل ولا ادبح هو كله كويس بس طبعاً لما يكون كل عضو واخد باله من المواضيع و تنظيم المواضيع يكون احسن بكتير ؟ اللي مخنوء منه حبتين " السنتر "
ايه الحلم اللى نفسك تحققه؟
مقدرش اقول حاجه معينه لان كل لما اكون عاوز اوصل لمستوي معين هكون عيني علي اللي بعده
ايه الحلم اللى خلاص حققته؟
فتح المنتدي من جديد و روح جديده
بتعمل ايه عشان تغير من نفسك للاحسن؟
بدور علي اي شيء حلو و اعمله ..
ايه الغامض فى المنتدى ..؟؟
وايه الواضح ؟؟
مفيش اي حاجه مستخبيه كل شيء واضح امام كل الاعضاء .
طاب إيه الغامض فى حياتك ؟؟
شخصيتي مش اي حد يقدر يفهمها .. " صعبه شويه تتفهم "
ايه اسوا حاجه حصلت فى حياتك؟
شيء خاص برده " الحدق يفهم "
ايه اكبر غلطه غلطتها و مش هتكررها تانى؟
اعتقد نفس الاجابه للسؤال اللي قبله
شايف نفسك ايه؟
شايف نفسي اني اسمي محمد 
اعز صديق وصديقة عندك فى "المنتدى" اكييد ؟؟
صديق هيكون اكيد اكيد اسلام LiMoO و الصديقه جايز بعض من الاعضاء الجدد ميعرفوهاش بس هيه اسمها جيجي دي تعتبر اخت ليا بس عندها شويه ظروف منعاها انها تدخل و اتمني انها تدخل تاني لانها وحشتنا والله ..
احلى اوقات بتقضيها فين و مع مين ؟؟
مع اسلام LiMoO و في المحل
حبيت ؟؟ .. كام مرة ؟؟ طلعت بإيه من المشوار ده ؟؟
حبيت كام مره اعتقد 3 مرات و في الاخر طلع اعجاب و مكنش حب و النهايه الفراق
اختيارك هيكون ازاى لحبيبتك ومواصفات فتاة احلامك ؟
التتدين . الامانه . مؤدبه . تسلم الكلام . الجمال .
من يسكن قلبك؟؟
مفيش حد يسكن قلبي .. و معتقدش ان في الوقت الحالي حد هيسكن قلبي
ماهو اجمل اسم لولد واجمل اسم لبنت من وجهة نظرك؟
بصراحه بحب اسم محمد بس مش علشان اسمي بس الاسم فعلاً جميل و كفايه انه اسم الرسول (ص) و البنت بحب اسم " ساره "
هل تعترف بشيء اسمه الصداقه بين الرجل والمرأة ؟
اكيد اعترف
هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه؟
ممكن يكون العاطفيه بس معتقدش اي حاجه تانيه
من هو اكثر شخص تفكر فيه؟
امــي
ما هو اقتراحك الذي تتمنى ان يحدث في هذا المنتدى ولم يحدث الى الان ؟
الاقتراحات بتكون بيني و بين LiMoO بنشوف مميزات الاقتراح و عيوبه و لو كان افضل للمنتدي فأكيد هيكون مقبول من جميع الاطراف و يتنفذ . و ان شاء الله في الايام اللي جيه هيكون في تغيير كويس يفيد المنتدي اكتر و بشكل عام الموقع ككل
هل ملابس الشخص امامك تؤثر فيك لتأخذ عنه انطباع ؟؟
لا طبعاً .. بس ممكن تلفت انتباهي
اذا احببت شخصا في الوقت الخطأ وفي المكان الخطأ فماذا تفعلين ؟؟
اعتقد السؤال ده متوجه لبنت مش لولد
......... فقرة الكلمات ........
بتمثلك إيه الكلمات دى ..
الحب
احساس جميل
الخيانة
" تدمير "
الحسد
" نقص في الشخصيه "
الفقر
" نصيب "
العشق
" حب بلا حدود "
الرومانسية
" تعتبر بالنسبه ليا الاحساس المرهف
الحقد
" نقص في الشخصيه "
الكره
" يعتبر البغض "
فى سطور قليلة .. مين مايسترو ؟؟
اهو السؤال ده بقي اللي انت هتبقي تجاوب عليه
لما تحلل شخصيتي
......... فقرة الاعضاء ........
إيه رايك فى الاعضاء دول بصراحة ؟؟
و ماذا تقولين لكل من .....؟؟ الاتنين
ليمووو
"حبيبي و اخويا و ....... " ربنا يخليك ليا
شوشو
" اختي " يا رب افرح بيكي
حمدى
" اخويا " نشوفك بالسلامه "
سوسو
" هيه غريبه شويه بس الحمد لله عقلت .. و يا رب نفرح باليوم الكبير
BaK! bAkI
" قويه في الشخصيه و مثقفه جداً .. بس ربنا يهديها
amato_allah "
شخصيه عزيزه عليا بحب تواجدها المستمر في المنتدي بس اتمني تغير الفرانكوا عربي ده
مشمشة
"مليش علاقه بيها بس شكل دمها خفيف و يوفقك "
نورسين
" غالباً دمها خفيف لاني بشوف ليها ردود ديماً بضحب بسببها " "
SweeT AngeL
" هيه معرفتي بيها مش من كتير بس بصراحه بحب اتكلم معاها و اناكش فيها " اقولها ربنا يخليكي لـ ... "
العرب للجميع "
بحبه "
Ni9ht
" بعتبره اخويا الصغير " و ناويله علي نيه سوده اقوله ربنا يخليك للمنتدي
Rashad
" برده معرفتي بيه بقت قويه الي حد ما بس بجد بحبه و تفكيره كويس .. و اقوله كويس انك خلعت من الجيش
lolofree
" جينا بقي لـ مصطفي ده حكايته حكايه كل ما تتخيلوه في الانسان ده " فكاهي بطريقة فظيعه . و اقوله خد بالك من شغلك
Devoted
" علي فكره ده اسمه محمد " من اقدم الاعضاء في المنتدي و يعتبر من مؤسسين المنتدي و اعرفه من سنييييين و اخويا بطريقة فظيعه بس بيدور بينا حوارات ملهاش حل و يا رب يخليه ليا و اقوله " يا بكاش "
ميدو
" عضو نشيط و ليه اهميه في قسمه و اقوله " بلاش تفهم غلط "
تيتو
" اسمه عمر و انسان طيب جداً " و اقوله شد حيلك يا بطل و ارجع زي الاول "
عبدو
" شخصيه لذيذه مليش علاقه بيه بس دمه خفيف لاني بتابع اوقات الردود و عاجبني ردوده و اقوله ربنا يوفقك باللي بتحلم بيه
رئيس التحرير
" اسمه شريف و شخصيه محترمه جداً و نشاطه ملحوظ بس مفتقدينه الايام دي بسبب انشغاله بأسباب خاصه بيه و اقوله منتظر عودتك
mohameddessou...
" لفتني جداً بمواضيعه في القسم السياسي و شكله مخه كبير قوي و عاجبني بصراحه و اقوله شد حيلك اللي جاي اصعب
كاريمان
" مش عارف انت قصدك علي انهي بصراحه علشان اقول رأيي في الشخصيه دي
soosoos
" محمد ده بقي ميتوصفش قمه في الاحترام و الادب و منورلنا المنتدي في القسم الاسلامي و الافلام و كفايه كده علشان مش هقدر اوصف حبي في محمد قد ايه و اقوله يا رب توصل للي في دماغك 
وردة فلسطين
" كانت نشيطه في فتره و بعدين اختفت و مش عارف راحت فين اقولها يا رب نشوفك علي خير و يكون نشاطك اكتر
عاشق الانثى
" غاوي يدخل في نقاشات كتير من موضوع لموضوع بس بحب مواضيعه لان ليه شكل مميز في طرح المواضيع و حاول تغير من مواضيعك لانها كلها شكل واحد
lizmo
" وحشني والله و مش عارف راح فين كان داخل سخن قوي و بعدين اختفي بس شخصيه محترمه جداً " اقوله يا رب ترجعلنا بنفس النشاط اللي كنت فيه
romida
" عاجبني اسلوبها في المواضيع و شكلها رومانسيه شويه و ده كويس جداً .. اقولها ربنا يخليكي لمامتك
لو حد تانى انا ناسيه ممكن تقول عليه "
حرااااااااااااااااااااااااااااااااااام كفايه "
واخيرا .. سكيتر
" شخصيه ذكيه و كفايه انه هو اللي ماسك الموضوع اللي انا برد فيه ده و اقوله ربنا يوفقك في قسمك و يكون من افضل الاقسام
رايك فى البرنامح والتقديم .. والذى منه ؟؟
بصراحه حلو بس الاحلي لو مكنتش انا الضيف