أولا أحب أرحب بيكى يا شوشو ..
وبجد أنتى فعلا ضيفه حبوبه ولذيذه ودمك خفيف وأحلى حلجه فيكى تواضعك
وعلى فكره أنتى اللى شجعتينى أنى ادخل وأسجل نفسى فى المنتديات
شجعتينى من غير ماتعرفى لما قريت ردودك الجميله ومواضيعك الاجمل وعقلك الكبير
وماكنتش اتوقع ان سنك صغير كده لان بجد افكارك وارائك حلوه اوى ... المهم دلعتك كتير ندخل بقى فى الجد. أولا : بما أنك أخر العنقود اكيد مدلعه شويه ولا كتير؟؟ وبالنسبه لان أخواتك كبار كتير عنك مين أكتر واحد أو واحده منهم قريب منك؟؟ وأزاى كنتى بتتعاملى معاهم لانك أصغر كتير؟
ثانيا: مين أكتر شخص ممكن يقولك رايه فى اى حاجه خاصه بيكى بصراحه من غير ما تزعلى؟ وايه أكتر حاجه ممكن تفرحك وانتى متضايقه ؟
ثالثا: ايه اكتر حاجه نفسك تتغير فى المنتدى وايه هو التطور اللى عايزاه يحصل؟ وايه هو اكتر قسم بتحبى تكتبى فيه ؟ ومين اكتر الاعضاء اللى بتحبى تعلقى على مواضعهم؟
رابعا: لو جاتلك تزكرة سفر يعنى سياحه تحبى تسافرى اى بلد؟ وليه؟
خامسا : بما انك اسكندرنيه بتحبى اسكندريه ؟ وايه اكتر الاماكن اللى بتحبى تروحيها؟ ولو خارجه انتى وحبيبك تحبى يواديكى فين ؟ وياترى بتعرفى تعومى ولا؟
سادسا وأخيرا: صورتك المستعاره ليه أخترتى الصوره دى بالذات وبتمثلك ايه ؟ حاسه انها شبهك؟ معلش سؤال غلس بصى كفايه عليكى كده وانا حبقى أفكرلك فى شوية اسئله تانيه بس يارب مايكنش دمى تقيل
ميرسى ليكى وأتمنى أشوف ردك...
__________________ كن انت التغيير الذى تريد أن تراه فى هذا العالم .. ...فريق على خطى الحبيب... |