Shoshou

بصفتك ادمن ما هي نقاط القوه فالعرب للجميع ؟


اى مكان فيه نقط قوه ونقط ضعف
ممكن نقطه القوه اللى اكتسبناها الفتره الاخيره استمراريه المنتدى..
تنوع اقسامه
نشاط معظم الاقسام.. مفيش اقسام تعتبر ميته يعنى..
نسبه التسجيل ارتفعت جدا بشكل ملحوظ.. واتحققت حاجات روعه ف وقت قصير جدا
فيه روح تعاون بين المشرفين والاعضاء..
وفيه نقطه مهمه اوى الحمد لله لاحظتها عندنا.. المشرفين مش عايشين الدور
وده عامل مهم جدا.. انا مره سيبت منتدى بسبب طريقه التوجيهات بتاعه الادمن
ف دى برضو بعتبرها من نقاط القوه عندنا..


وما هي نقاط الضعف فالعرب للجميع؟

للاسف فيه بعض المشرفين محتاجين يتابعوا اكتر.. ومحتاجين ياخدوا خبره اكتر ف حكايه الاشراف..
يعنى عموما بشوف ان فيه بعض المشرفين محتاجين بعض التعديلات عشان يكون اسلوب ادارتهم لاقسامهم من نقط القوه مش الضعف

عندك مثلث بثلاث اضلاع لمن يكون الرأس ولمن يكونوا القاعده ؟ فالعرب للجميع ؟



اقولك انا على حاجه ؟
المثلث لو بصيت عليه من زاويه هتشوف الرأس والقاعده بشكل معين.. لو بصيت انا ف نفس اللحظه على نفس المثلث بس من زاويه تانيه.. هشوف الرأس والقاعده بترتيب مختلف عن اللى انت شوفته
م الاخر يعنى عشان منعقدش الموضوع كل واحد ف العرب للجميع ليه دور معين بيقوم بيه..
وكل دور يعتبر مهم ولا يمكن الاستغناء عنه..

هل سبب استخدامك للون الوردي فالكتابه هو نفس لون بشرتك كما ذكرتي فاسئله سكيتر ؟

انا مذكرتش ان لون بشرتى وردى
بس عموما يعنى هى ملهاش علاقه نهائى..
انا بكتب باللون ده لأنى بحبه.. بس

طول كام سم - وزنك كام كيلو - لون عنيكي - لون شعرك ؟

166
58
بنى غاامق او يعتبر اسود
اسود

تفضلي البنطلون ام الجيبه ؟ ولماذا ؟

بتعتمد انا رايحه فين..
يعنى مثلا وانا ف الاكاديميه مش بعرف البس جيبه
ف بفضل البس بنطلون عشان سهوله الحركه والطلوع والنزول والكلام ده كله..
ف اوقات تانيه بفضل الجيبه كنوع من انواع التغيير.. او لأن فيه مناسبات مش بيليق عليها بنطلون.. لازم جيبه
كده يعنى.. ملهاش قاعده معينه

فوجئتي عند الصباح بخبر انك رئيسة الجمهوريه ؟ فماذا تفعلين ؟

هشوف اصلح حد ف نظرى وامررله المسئوليه.. لأنى عمرى ما اقدر اقول انى قد مسئوليه زى دى..

هل لديك أسئلة، ولا تجد من يجيبك عنها؟

احيانا كتير

اول مره دخلتي فيها نت - اول مره حسيتي معني الحب - اول مره خرجتي فيها هل هو ليمو ام لا ؟ بهدي النفوس

اول مره دخلت فيها نت : من حوالى 8 سنين
اول مره حسيت بمعنى الحب : من حوالى 3 سنين ونص
اول مره خرجت فيها كان مع صحابى يا حمدى

لديك سفينه وانتي عرفه ان في مركز قوة العزم وكدا ؟ فمن يكون مركز قوة العزم ؟ ولماذا ؟

LiMoO
عشان ف نظرى اقدر استأمنه على موقع مهم زى ده

حبيبك اتقدمك للجواز ولقدر الله واترفض فماذا تفعلين من اجله ؟

اعمل ايه ؟
ده انا اعمل اللى متعملش يا حمدى انت بتتكلم ف ايه بس ؟
اولا انا عارفه ومؤمنه جدا ان كل حاجه قسمه ونصيب.. والمكتوب عند ربنا هو اللى هيتنفذ لو حصل ايه
بس ف حاله زى دى هحاول مع اهلى بدل المره مليون
وافهم ايه سبب الاعتراض
ونحاول نعالج المشكله لو نقدر..

تاريخ حياتك طويل طبعاً من هم الاشخاص اللي اثروا فيكي سواء كان اجابي او سلبي فحياتك ؟ مع ذكر السبب؟

بابا من اول الاشخاص اللى أثروا فيا
يعنى من ساعه ما وعيت ع الدنيا كده وانا بستفيد منه كل يوم حاجه جديده
برضو ماما بحس فيها حاجات كتير نفسى تكون فيا لما ابقى ام
اسلام أثر فيا جدا واتعلمت منه حاجات كتير اوى مقدرش انكرها
صحابى.. كل واحده فيهم سابت فيا حاجه معينه.. سواء ايجابيه او سلبيه.. بس مجرد التعامل مع شخصيات مختلفه بيكسب الواحد خبرات كتير اوى..
حتى ان تعاملى مع ولاد اختى اثر فيا كتير..

انتي قولتي ان الصداقه تتحول لحب ودا شيء معروف ؟ وهل يمكن للحب ان يتحول الي صداقه ؟ مع ذكر السبب ؟

اكيــــــــد لأ
دايما هيكون فيه حاجه بتفكرهم باللى فات
ودايما هيكون فيه حساسيه ف الكلام.. واقات كتير ممكن الكلما يتفهم غلط
والاتنين اللى فينهم كل ده.. مش هينفع نقول عليهم اصدقاء


معاكي ورده ( حمراء - بيضا - صفراء ) لمن تهدي هذه الورود ؟ ولماذا ؟ مع مراعاة ان كل لون بيدل على حاجات فالحياه فما هي ؟

وردة حمراء بتدل ع الحب ---> أكيد ههديها للانسان اللى بحبه
ورده بيضا وبتدل ع الصفاء ---> اهديها لكل صحابى والناس اللى بحبهم
ورده صفراء بتدل ع الغيره ---> ودى ممكن اهديها لأى حد ممكن ياخد حد بحبه منى

يعني سؤال من باب المعرفه ؟ اشمعنا انتي ديما مشاركه معانا فالمنتدي وبتسألي وكدا ومحمد بعيييد ومبيسألش مع اني بشوف مشاركاته واسلام بعييييييييد بردوا وعارف انهم الاتنين بيتعبوا اوي وشفت بعيني بس هل في سبب ام لا ؟

بصراحه انا بشوف ان اسلام ومحمد بيعملوا شغل جااامد جدا واكتر بكتييير م اللى انا بعمله.. انا كل اللى بعمله.. بتابع وبرد وبشجع والحاجات دى كلها.. لكن هما بيعملوا حاجات مختلفه ومهمه جدا جدا جدا
هما الاساس..
ويمكن اللى هما بيعملوه ده بيخلى مفيش عندهم فرصه كبيره ان وجودهم ف المواضيع يكون زى وجودى
ف ده السبب اللى ورا وجودى زياده عنهم..
وزى ما بقولك بجد انا اللى بعمله ميجيش حاجه جنب اللى اسلام ومحمد بيعملوه

لونك جهاز وهو بردوا مليان استكارت ودباديب وكدا زي اغلب البنات؟

لالا خالص
انا مش بحب احط الحاجات دى بصراحه بحسها بتشوه المنظر

اشمعنا السؤال الأول والثاني لووون وردي ؟

مش عارفه والله ايه حكمتك ف كده.. بس يمكن لانهم السؤالين الوحيدين اللى متعلقين بالمنتدى
وانا بكتب باللون البينك
يمكن فيه علاقه ف كده..
خليني انا اللى اسألك السؤال ده بما انك انت اللى ملونه كده..

اقتباس:

اممممممممممممم اظن شويه وارجعلك انتي عرفه الشغل ديما واخد كل وقتي بس لنا لقاء مع بقية الاسئله شوشو

ربنا يقويك يا حمدى
ووجودك بجد نور الموضوع.. واسئلتك جميله.. بس يارب تكون الاجابات وصلت اللى انا عايزه اقوله
ومنتظره وجودك مره تانيه يا حمدى..

ارق تحياتى..

__________________