منتديات عرب للجميع - عرض مشاركة واحدة - الضيف الاول

~~سكيتر~~ · 14-02-2008, 11:19 PM

اسئلة Sweet Angle

اقتباس:

ايييييييييه ده انا جيت متأخره اوى
هههههههههه .. ملحوقة مانتى لما صدقتى !!

بس والله اول ما سمعت انك فى الورطه دى

جيت جرررررررى اشمت فيك واجرى استخبا تانى

ههههههههههه انتى هتقوللى !!

أنا هأسألك كام سؤال كده

خدى راحتك U r Free !!
ماذا تعني لك الكلمات الآتية .... العاطفة .... الرحمة ..... العقلانية .. موضح إجاباتك بمواقف حدثت لك
العاطفة : العاطفة تقريبا الوحيدة الثابتة ومش ممكن تتغير هيه عاطفة الام !!
اما عاطفة الحب اللى كلنا بنتمناها فاحيانا للاسف حتى بعد الزواج بيحصل ملل ورتابة منها طبعا دى مش قاعدة عامة بس العاطفة هيه اغلى حاجة ممكن يتمناها الانسان فى حياه ومش مستحيلة المنال !! موقف .. اعتقد انى ذكرت فى موقف فى الردود اللى فاتت كمثال التجارب !!

الرحمة : الرحمة مش دايما بتبقى رحمة من عذاب جسدى او ماشابه بل إنى اصعب رحمة يمكن تمنيها والفوز بيها الرحمة من عذاب الجرح او النسيان من فقدان اى احد عزيز علينا واعتقد انى الحمد لله فوزت بالحمة اللى من النوع ده فى نفس الموقف انى اتعلمت من كل اللى فات وايقنت انه مفيش حاجة فيهم حـــب !!

العقلانية : متهيالى بتساوى المنطق ازاى الواحد يصرف صح وبدون تسرع او تهور ودى بتبقى صفة ممتازة فى اللى بيمتلكها .. وسورى مش فاكر موقف معين

عندك كام صديق و صديقة ممكن تثق فيهم جدا لكي تطلعهم على أسرارك.
استنى اعد !! اممم مش كتيير اووى ممكن صديقتين و صديق .. رغم انى من النوع اللى ممكن يحكى لاى حد يعنى مش باحفظ اووى ع اسرارى ويمكن ده عيب ؟!!

إيه أكتر موقف محرج حدث ليك

انا جاوبت وقلت موقفين فى اسئلة شوشو موقفين شداد !!

مين من الكتاب بتحب تقرأ ليه ،إذا كنت من هواة الأدب.
يعنى بحب اقرا لحد كبير .. منهم إحسان عبد القدوس ، وعموما بحب اووى القصص القصيرة الشيقة !!

إيه أفضل بلد تحب تعيش فيها في جمهورية مصر العربية .
انا نفسى ازور كل محافظات مصر بالذات اسكندرية ، بورسعيد ، .. إلخ

ما الذى جذبك لمنتدى العرب للجميع؟
يمكن يكون ناس كتيير تعرف الصدفة الغريبة اللى بيها دخلت المنتدى بس جذبنى تفاعل الاعضاء والاقسام اللى شغالة واالمواضيع الحلوة

ومين اول اشخاص قمت بصداقتهم وليييييييييييه
امممم .. لو فى المنتدى .. اكيد هتبقى اللى عرفت المنتدى عن طريقها ليه فدى بسب الصدفة اللى حصلت

مين اقرب انساااااااان او انسااااااانه ليك
هوه السؤال مش محدد اووى .. مثلا فى اهلى او اصحابى او مين حددى السؤال وانا تحت امرك

ايه مواصفات زوجتك فى المستقبل
انا جاوبت مرتين ع ده !! فى الاسئلة اللى فاتت

ايه احلامك
هيه كتيير اووى .. وده بيبقى لازم لاى حد بس زى ماقلت اكيد مش هابط نفسى بمجال دراستى وهاهتم بمجال اللغات والكمبيوتر وربنا يكرمنى !!
كام مره حسيت انك ملكش لزمه فى الحياه

مااعتقدش ان الاحساس ده قبل كده انتابنى او ملكنى ..!

كااااااام مره مقدرتيش تكتم دموعك
مش فاكر كام مرة بالظبط .. بس عموما مش بكتمها اوووى !!

صفه فيك تتمني تغيريها ...طبعا محدش كامل والكمال لله ؟؟؟
طبعا الكمال لله ، بس انا كان فيه صفة الخجل غيرت منها اووى بس لسه مش للدرجة اللى انا عايزها
حــــــــــلم واحد فقط حتى ولوكان مستحيــــــــــــــــــل ... ايه تتمني يكون هذا الحلم؟؟؟
اكيد .. حلم كل مسلم عربى غيور ع دينه .. يتحرر العالم الاسلامى كله من اللى هوه فيها ولو حتى الصفات والبدع اللى ظهرت فيه

واخيرا وليس اخرا ايه هو تعريف الهدف من وجهة نظرك ؟؟؟ووصلتيله ولا لسه؟؟ولو لسه بتحاول توصل ولا مطنش الموضوع؟؟؟

انا مؤمن إن انسان من غير هدف زى الا نسان الميت ملهوش لازمة لانه الهدف هوه اللى بيدفعه للحياة وبيه بيجاهد فى الدنيا وبالنسبة لعمرى .. فا لسه هدفى محققتهوش وفى طريقى ليه اكيد يعنى !!

ليس بإمكانك حذف إجابتين أو الإستعانة بصديق
Okay
إتصل على 0000 0000 وتأكد إن محدش هايعبرك

ارق تحياتي
انا مبسوط انك شاركتى فى الحلقة باسئلتك المختلفة دى .. ويارب اكون قدرت اجاوب صح .. تقبلى تحيتى