موضوعك جميل يا حمدى وخلينا ناخده جزء جزء
لو اتكلمنا ع الجنش كغريزه هنلاقيه من اقوى الغرايز واعنفها ودايما بتلح على صاحبها عشان يلاقي ليها مجال.. ولو كان مفيش الحاجه اللى تشبعها بيتعرض الانسان للقلق والاضطراب وهيروح لسكك مش تمام
والجواز هو احسن وضع طبيعي وانسب مجال حيوي عشان يشبع الغريزه دى.. ساعتها هتهدى النفس م الصراع اللى كانت بتتعرضله قبل كده.. وده اللى ربنا اشار ليه ف قوله : ( ومن آياته أن خلق لكم من أنفسكم أزواجا لتسكنوا إليها وجعل بينكم مودة ورحمة ، أن في ذلك لايات لقوم يتفكرون ) . وعن أبي هريرة رضي الله عنه : أن النبي صلى الله عليه وسلم قال : ( إن المرأة تقبل في صورة شيطان ، وتدبر في صورة شيطان ، فإذا رأى أحدكم من امرأة ما يعجبه فليأت أهله ، فإن ذلك يرد ما في نفسه ) . رواه مسلم ، وأبو داود ، والترمذي .
يمكن ده السبب اللى بيخلي الواحد يفكر ف الزواج عشان الجنس.. لانها غريزه ملحه..
ده مش معناه انى مؤيده للجواز اللى مبنى ع الفكره دى بس.. لا خالص.. لازم برضو يكون فيه اعتبارات تانيه كتير لان فيه اولويات ف الجواز اهم من الجنس بمراااحل
وهييجي وقت يبقى المتعه فكريه مش جسديه.. هيبقى الكلام مع شريكه الحياه والتحاور معاها هو اللى فيه المتعه..
ف لازم الاختيار م الاول يكون مبنى على اساس العقل..
لكن على اساس الجنس وبس ؟ او الجنس هدف رئيسي.. ف ده نهايته فعلا الطلاق زى ما انت قولت
وسورى بجد لو طولت يا حمدى.. بس الموضوع يطول شرحه
وميرسي ع الموضوع الجميل ده..
ارق تحياتى..
__________________ *^* إذا لم تزد شيئاً على الدنيا ، فأنت زائد عليها *^* |