س: بسمع ساعات عن ناس بتقول ان الى بيحب حد يتمنى يشوفه سعيد حتى لو مع غيره بتؤمن بالموضوع دة أو بمعنى أصح هتبقى سعيد لو حبيبتك سعيدة بس مش معاك؟
سؤال صعب اووى ، بس انا محبتش بجد عشان اجاوبك بس حاسس انها هتبقى حاجة صعبة خالص بس عمرى ماهتغير وابقى انانى فاكيد هاتمنى سعادتها ع سعادتى.
س: فى ناس بتقول ان الغيرة فالحب عدم ثقة وفى ناس بتقول ان كل لما الغيرة تزيد من طرف بيتخنق الطرف الاخر بمعنى اصح شوف حاجة غلط ومتغرش أو متعترضش عيزة اعرف رأيك وانت مع مين فيهم وضد مين فيهم ؟
لا مش حكاية عدم ثقة .. الغيرة اللى بتبقى دليل ع الحب بتبقى واضحة لكن فى غيرة قاتلة مش مقبولة خالص فلازم تبقى الغيرة بحساب بمعنى متزيدش لدرجة تخلينى مكروه بس برضه الغيرة ضرورية فى احيان كتيير !!
س: اكتر مرة حسيت انك اتظلمت فيها أو اتبعت أو اتداس عليك أوى كان من شخص من اهلك أو صديق أو حبيبة رجاء عرض الموقف نفسه ؟ من حقك ترفض الاجابة بدون احراج .
هوه من اهل وحبيب مع بعض وتقريبا عرضت الموقف !! وبرضه حصل من صديق !!
س: بالنسبة ليك أو بالنسبة لحد بيعتبر كل حياته النت والكمبيوتر وبيقضى معظم وقته أدامه وبالنسبة لان احنا وصلنا ان فى ناس مش بتقوم من على الكمبيوتر خالص بمعنى أصح عندها ادمان نت تتوقع هيعيش ازاى لو مرة صحينا يوم لقينا مفيش كمبيوتر ومفيش نت تعتقد ايه ممكن يكون البديل ؟
هوه انا مش اوى بالشكل اللى وصفتيه بس انا تقريبا ببقى مبسوط وانا ع النت آدى كل الفكرة بس لما بابقى متعلق بحاجة وتضيع بازعل اووى وبالذات لما تبقى منتدى يعنى مواضيع وردود وناس تعرفهم ومعرفش اوى البديل
س: هما موقفين بس من موضوع واحد عن الخيانة :-
الموقف الأول :- لو افترضنا انك مرتبط عاطفيا أو حتى خاطب وماشى فالشارع لقيت حبيبتك أو خطيبتك ماشية مع واحد مسكين فى ايد بعض وفموقف رومانسى وعينك جت فى عنيهم هتعمل ايه وهتروح عندهم ولا لأ ولو رحت هتقول ايه ؟
هوه هاصطدم اووووووووى ومااعتقدش انى هاجى عندها بس هاسيبها وإن جات وشرحتلى الموقف بعدين هاحكم ان كنت هاكمل او ابعد !!
الموقف التانى :- لو افترضنا انك متزوج عفوا للموقف أو حتى حط نفسك فى مكان شخص متزوج ودخل بيته لقى مراته مع واحد فى حجرة نومه ما رد فعلك فى ذلك الوقت ومارد فعل الصدمة عليك وهل العقل سيحضر فى ذلك الوقت وهل من رأيك يختلف رد الفعل بالنسبة لرجل عن مرأة ؟
مش عارف بس اكيد هاقتلهم !! لا مااعتقدش انه ممكن موقف المراة يبقى مختلف اووى واعتقد ان العقل مش هيحضر ساعتها !!
متأسفة للاطالة ومرسية كتير ليك وتمنياتى تقدر على اجابة الجميع بنفس مستواك
