12-02-2008, 11:35 PM
|
#28 (permalink)
|
| عضو محظور | 
اسئلة norseen اقتباس: أحب أرحب بيك يا سكيتر وكمان أهنيك على أجاباتك الرائعه وردودك الدبلوماسيه
انا اللى بارحب بيكى ومبسوط بمشاركتك دى فى الورطة اللى انا فيها !!
وبجد ما كنش ينفع أن الضيف الاول يكون حد تانى غيرك
يمكن !!
وبشكر شوشو على التقديم الرائع وعلى مجموعة الاسئله الرائعه اللى سألتها وخلتنا نتعرف على شخصيتك أكتر
آه شوشو .. دى ليها حلقة خاصة بس استنوا كل هيتفرج ع حلقتها !!  ههههههه
وبما ان كل الاسئله اللى كانت بتدور فى دماغى واللى كنت عايزه أسئلها خلاص انت جاوبت عليها..
طاب والله كويس ..
فأنا حسألك 3 أسئله بس:- اوك انا تحت امرك
1- ايه هى الحاجات اللى كان نفسك تكون موجوده حولينا ومش لاقيها .أو ايه اللى انت نفسك يتغير حوليك؟وعايزه يتغير يكون ايه؟
انا هاتكلم طبعا ع الناس اللى حواليه !! كان نفسى تتغير نظرة الناس تجاه حاجات كتيير منها نظرة البحراوية طبعا مش كلهم تجاه الصعايدة ع انهم متخلفين ومش فاهمين انا معاهم فى إن الصعيد بتقيده بعض التقاليد والعادات بس الصعيد عموما مظلوم بس فيه ناس كتيير ممتازة وبتفكر ونفسها تعمل حاجة لمصر فى القلوب الطيبة فيه عباقرة برضه فمحبش خالص التنكيت ع الصعايدة او النظر إليهم ع انهم متخلفين رغم ان العالم مصنفنا كلنا عالم ثالث ولكن كل واحد شايف غيره متخلف !! طبعا مش قاعدة عامة لانى محبش خالص التعميم نفسى كماان كلنا نفكر لقدام وبعقلية كويسة منبصش للى تحت ايدينا .. دى اكتر الحاجات اللى فاكرها بس اكيد فى حاجات تانى كتيير
2-عايزه أعرف دراستك ايه؟
انا كنت بحلم انى ادخل كلية سياحة وفنادق بس فرقت معايا نص درجة فمفرقتش معايا فدخلت كلية التربية تعليم إساسى بس بيزيد حبى ليها يوم بيوم والحمد لله بس ان شاء الله لما اتخرج مش هاربط نفسى بمجال دراستى
3- وبما أن دراستى فنون جميله أحب أعرف رأيك فى الفنون ايه وخصوصا الرسم بتحبه؟ بتعرف ترسم؟ وايه رايك فى الفن عموما؟
انا مكنش ليه راى فى الفنون بس فى دكتور فى الكلية عندى حببنى فيها وحسسنى بقيمتها وبحب خالص الرسم وبقدر اوى اللى بيعرف يرسم بس انا للاسف ماليش اوى فى الرسم ورايى فى الفن انه مهم زى اى مجال من مجالات الحياة | اقتباس: |
خلاص كده
اوك .. ونورتينى باسئلتك اللذيذة
أنا عارفه ان أسألتى ممكن تكون سطحيه ومش مهمه أوى
لا بالعكس انتى اسئلتك بسيطة بس مهمة طبعا وكفاية انها جديدة فى فكرتها !!
بس بجد أنا مش عارفه أسال ايه لان كل الاعضاء سألو الاسئله اللى كان نفسى أسألها وما حبتش أنى أكرر نفس الاسئله
يارب بس تعجبك اجوبتى واكون عند حسن ظن الجميع
ميرسى يا سكيتر وربنا يوفقك ويطلعك منها على خير..
ميرسى كتيير ليكى انتى ... ويوفقك .. آمين
تحياتى
تقبلى تحيتى
|
|
| |