منتديات عرب للجميع - عرض مشاركة واحدة - الضيف الاول

~~سكيتر~~ · 12-02-2008, 11:17 PM

اسئلة babys_cuteness2

اقتباس:

طبعــــــــــــــــــــــــاً جه دوري سكيتر
اتفضل ..

بسم الله الرحمن الرحيم

1- السيرة الذاتية لك سكتير ؟ وخلي بالك من السؤال دا بالذات لانك اكيد هتغلط فيه ؟
انا شبة جاوبت ع السؤال ده بس هحاول اقول بالتفصيل شوية
انا اسمى أحمد حمدى سيد قوول 19 سنة من الصعيد تقريبا اسيوط ، كلية التربية بحب اللغات والكمبيوتر اممم .. بس كده
2- مشوار حياتك وانت في سن العاشره حتى وقتنا هذا ؟
اممم سؤال حاسه غامض مش عارف ليه انا عادى شخصيتى اتكونت بناءا ع حاجات كتيير اثرت فيها منها والداى واصحابى وكل اللى عرفتهم شوفت الحلو والوحش اتعلمت من حاجات كتيير بس برضه خبرتى اكيد ناقصة بالنسبة لناس كتيير !!
3- امتى حسيت انك بعيد عن ربنا ؟ وامتي حسيت انك قريب منه ؟
حسيت انى بعيد لما بقيت روش شوية !! ههههههه بجد والله وحسيت انى قريب اكيد لما التزمت اووى
4- اكتر وقت استغفر الله العظيم حسيت انك تتمنى تموت ؟
لا انا والحمد لله مااتمنتش المووت آه طبعا ساعات بابقى مضايق اووى ومخنوق بس موصلتش انى اتمنيت الموت
5- كام مره حسيت انك مزعلك اهلك ؟ وليه ؟
كتيير .. وده بسبب بعض الاختلاف فى وجهات النظر بس فى ساعتها بنرجع زى ماكنا يعنى مبيطولش خالص زعلنا
6- ليه ديما بتحب ان يكون رايك هو الصح ورأي اهلك هو الغلط ؟
لا مش مسالة انى احب او اكره مسالة انهم احيانا بيخافوا عليا اكتر من اللازم ومسالة انى ساعات بادعى انى اعرف مصلحتى اكتر من اللازم !!
7- ليه حاسس نفسك انك كبرت وديما تقول لمامتك يا ماما انا كبرت خلاص ولازم اعمل كل حاجه عيزها ومبقتش صغير ؟
ع فكرة انا الجملة دى بالظبط يمكن عمرى ماقلتها لان برضه فى بعض التفاهم والحمد لله يعنى بابا بيدبنى مساحة كبيرة ودايما يقووول سيبيه هوه عارف مصلحته اكتر مننا
8- كيف نظرت الجميع اليك ؟ وكيف نظرتك انت للناس ؟
سؤال انا شايفه عايم !! يعنى نظرة الجميع الى فدى معرفهاش اوى بس زى اى حد ناس بتقدرنى وناس مش بتقدرنى ونظرتى للناس برضه عادية إعجاب بالبعض وسخط ع البعض الآخر
9- بتصلي الخمس صلوات ؟
الحمد لله ع طوول
10- بتمسك المصحف كام مره فاليوم غير شهر رمضان ؟
مفيش مرات معينة للاسف بس كل مااتخنق بامسكه وكل ماحس انى محتاجله بامسك المصحف
11- ليه ديما لما بتجاوب عالاسئله بتفكر قبل لما تجاوب ؟
ههههههه طبيعى !! عشان اجاوب صح بس ع الفكرة الاجابة ع اسئلتكم مش بفكر فيها كتيير اوى لانها اسئلة عنى فمش محتاجة اوى !!
12- ليه بتمسح اكتر من مره وانت بتجاوب على اكتر من سؤال ؟
لا مش بمسح اووى وان مسحت اكيد لانى شايف فى اجابة اصح من اجابة
13- ليه بتقول فبعض الاحيان انك مخنوق مع ان سواء كنت مخنوق او مبسوط الدنيا ماشيه فالحالتين ؟
لانى لازم اعبر عن حالتى لازم اعرف الموود بتاعى إيه عشان اعرف اتصرف بناءا عليه
14- ليه ديما بتعاكس البنات كتير ؟ وانت عارف انك كما تدين تداااااااان ؟
لا والحمد لله انا اصلا فى معاكسة البنات لخمة !! بس ماانكرش انى باتكلم مع بنات يعنى فى الكلية محاضرات او كده .. وكماان نظام الاسرة اللى مشترك فيه .
15- ليه ديما بتبقى عارف الغلط وتروح وتعمله ؟
لما بعمل الغلط وعارف انه غلط يمكن عشان مش قادر اعمل الصح
16- اكتر واحد تعبك فالاسئله ؟
والله اغلبكم اسئلتكم صعبة بس اصعب نوع من الاسئلة اسئلة المواقف واسئلة الاعضاء واسئلتك انت برضه مش سهلة
17- ليه بتخاف من اسئلة البنات ؟ وبتبقي متوقع انك هتتسأل فالحب والصدق والكدب ؟
مبخافش ولا حاجة وباستقبلها زى اى اسئلة وان اتوقعت انى هاتسئلها فده عشان هيه معظم اهتمامات الشباب
18- ليه فكرت فالاسئله بتاعتي انا بالذات قبل لما ابعتهالك ؟
انا مفكرتش فى اسئلتك بالظبط بس انا اول مادخلت المنتدى دخلت ع نبأ زواجك تقريبا فكبرتك طبعا وكنت سعيد انك دخلت الحلقة لانك كنت غايب مده فحاجة كويسة انك ترجع عليها بس !!
19- حبيبي سكيتر خد بالك من نفسك وربنا معاك دي بقى دعوتي اللي انا بدعهالك
وثق بنفسك بدون غرور وحاول توصل لهدف وانت قريب من ربنا
آمين يارب وربنا يخليك ليه وشكرا خالص ع النصيحة واكيد هاعمل بيها .. تحيتى
حافظ على صلاتك وادعي ربنا انه ديما يكون جنبك
آمين
تعبتك كتير فالاسئله سكيتر وربنا معك ومنتظر اجابتك
يارب تعجبك إجاباتى
منتظر الاجابه سكيتر وفكر برحتك

نورتنى ياغالى