ازيكم يا احلى اعضاء ويا احلى منتدى 
آسف جدا للانقطاع المفاجئ اللى محدش طبعا حس بيه " "
بس والله غصب عنى وانتظرونى عضوا فعالا ان شاء الله
والحمد لله انى صادف عودتى حلول العضو " سكيتر " ضيفا
خفيفا على برنامج ضيف فى ورطة للاسف 
سكيتر . . . . .عضو فعال نشيط الى درجة كبيرة مواضيعه تمتاز الى حد كبير بالجدية والاهمية في آن واحد تشعر معه بالارتياح بمجرد فراءة مواضيعه الشيقة
بجد بجد بيفرق في المنتدى لو غاب عنه ولو يوم
محترم الى درجة كبيرة وردوده تمتاز بالدبلوماسية
يلا يا احلى اعضاء نرحب العضو سكيتر ترحيب حار قوى 
شكرا خالص يااحلى نيو على المقدمة الروعة دى 
ولازم تكون روعة عشان السلخ اللى بعدها !!
اولا انا هاعلق على شوية اجابات ليه على اسئلة شوشو وبعدين
هاسأله كام سؤال كده قليلين . . .
هل الدموع تستطيع تعبر عما بداخلك من مشاعر؟اه .. واحيانا مايبقاش غير هيه كوسيلة للتعبير
" هل من الممكن ان تعتبر ذلك ضعف ؟ يا ريت تذكر السبب مع اجابتك بنعم او لا "
لا يانيو مش باعتبر ده ضعف الا فى حالات الواجب بمعنى لما يبقى واجبات عليه وانا قصرت فى تنفيذها ساعتها ممكن تحسسنى بالضعف
هل البعيد عن العين بعيد عن القلب ؟لالا مااعتقدش كده خالص .. لانى القريب من القلب مش محتاج دايما انه يبقى قريب من العين !!
" بس العبرة فى انى البعيد عن العين بعيد عن القلب انك ممكن وانت بعيد
تلاقي حد يحسك وسحبك وهوه فى نفس الوقت جنبك فعشان كده هاتبدأ تحنله
وبذلك هايبقى البعيد عن العين بعيد عن القلب . . . . . فهمتنى ؟ "
اه يانيو صح كلامك فى حالة الحب الكاذب يعنى لو بقى بعيد عن القلب فعلا زى العين اكيد انا مش بحبه اصلا ... لكن لو بحبه اكييد مش هانساه لانى مش معقول هابقى لما اصدق الاقى حد دى اسمها تسلية مش حب !!
موضوع دايما بيشغل فكرك وتفكيرك ؟
للاسف موضوع الحب والارتباط وفتاة احلامى من اكتر المواضيع اللى احيانا بتشغلنى
" وليه للأسف ؟ ؟ ؟ انتا مش شايف انى الموضوع ده مهم في حياتك ؟ 
رد بصراحة
ويا ريت مع التعليل
اه طبعا موضوع مهم بس مش من المفترض ان يبقى كل اللى شاغلنى. فى حاجات قد تكون لها الاولوية عن التفكير فى علاقة وبعدين فتاة الاحلام لما هتيجى هيه هتفرض نفسها عليه وعلى تفكيرى دون الاحتياج إنى اشغل كل تفكيرى فيها من الآن بــس
لو فيه واحده بتحبك وبتموت فيك.. وواحده تانيه انت بتحبها وهتموت عليها.. تختار مين فيهم ؟
هوه اكييد امشى مع المثل خد اللى بيحبك مش اللى بيحبهبس انا وقعت فعلا فى الحاجة الاولى بس برضه مينفعشلانه لازم ابسطها حتى لو مش بحبها يكوون فى قبول ساعتها... ممكن يجى الحب و 
" انتا بتقول ممكن يجي الحب ! بس ممكن مش يجي صح ولا انا غلطان ؟ ولو
مجاش يبقى انتا علقتها بيك على الفاضي وظلمتها معاك قووووى . . . . ولا
انت ايه رأيك ؟ "
اوك يانيو .. بس انا عايز اقولك انى مشكلة الحب انه بيسيطر ع مشاعرنا بشكل غريب فلو كل واحد ملك انه يختار اللى يحبه اكيد هيختار برضه اللى بيتحب منه لكن دى حاجة لا ارادية بس عايز اقولك لو انى حبيت واحدة وهيه محبتنيش اكيد هارتبط باللى بتحبنى واللى صفاتها قريبه منى بس طبعا يفضل ان الاقى الحالاتين بتحبنى واحبها !!
دى كانت شوية تعليقات بسيطة على ردود سكيتر على اسئلة شوشو بس
بجد يا شوشو اسئلة جامدة قوى والصراحة شجعتينى انى ادخل واسأل
ثانيا : انا هابدأ دلوقتى اسأل كام سؤال " متخفش قوووى كده يا سكيتر ههههه 
" لالالا انا بحاول اتحلى بروح الشجاعة ههههههههههه وممكن يحصلك كده بعد مااجاوب
1- هاقولك موقف وتقولى تعمل ايه لو اتحطيت فيه اوكى 
" عشت معها اجمل لحظات الحب شعرت معها بان حياتى لها طعم جميل جدا وبدونها
لا أستطيع العيش في هذا الكون الفسيح كانت هيه ملجأى بعد الله سبحانه وتعالى
عند مرضي تكون بجوارى عند فرحي تكون بجوارى وعند حزنى تكون بجوارى
كنت احاول الى اقصى الحدود ان اسعدها وان اعوضها عن اى من لحظات الحزن
التى من الطبيعي ان يعيشها الانسان ومن الطبيعي ان اقع في براثن حبها الى درجة
كبيرة جدا ولكن . . . . . .
رأيتها بأم عيني مع اعز اصدقائى ضحكات عالية محادثات غير لائقة واخيرا وللاسف
تبادله حبا مجهولا بالنسبة لي ولكن هو لا يعلم بماذا تبادله فهو يظن ان ذلك شئ
عادى بالنسبة لها وهوه لايبادلها اي من ذلك الحب القاتل بالنسبة لي 
"
اكيد سؤالى اتضح " لو أكتشفت انا من تحبه " الى درجة الجنون " لا يحبك فماذا تفعل ؟ ؟ ؟ وكيف ستتعايش مع هذا الموقف ؟ ؟ ؟ "
سؤالك صعب مووت خاصة فى بعد وصفك لحالة الحب اللى موجودة بس من حبنا حبناه وسار متاعنا متاعه .. ومن باعنا بعناه يحرم علينا اجتماعه
بس ده كل اللى يتقال إنى هاحاول بكل جهدى إنى انساها واكييد هيبقى موقف صعب خالص وربنا مايوقعنى فيه
2- سؤال منتشر جدا ولكن احب ان اعرف وجهة نظرك الشخصية في هذا السؤال " هل
من الممكن ان تتحول الصداقة الى حب وان يتحول الحب لصداقة بمعنى ادق هل يمكن
ان يكون الحبيب صديقا ؟ والصديق حبيبا ؟ "
نعم يمكن لكن الحب والصداقة يختلفان الصداقة لاتنتهي فصديق اليوم قد يبقى صديق الغد أما الحب فانه عندمايرحل لايعود
اما الصداقة شجرة صلبة تمر بجميع الفصول وتبقى صامدة وهكذا هو الحب وردة محاطة بالأشواك. ده راى انا قريته قبل كده ومقتنع بيه خالص
3- وده موقف تانى عاوزك برضه تقولى هاتعمل ايه فيه " شفت بقى اسئلتى سهلة ازاى هانقضيها مواقف " 
ههههههه ربنا يزيدك 
" هوه صديقي الذي لا استطيع العيش دونه منذ نعومة اظافرنا ونحن معا ذهبنا الى تلك المدرسة الابتدائية معا ورجعنا من الاعدادية معا واصبحنا معا في الثانوية وحتى وصلنا الى الجامعة معا هوه حياتى وانا حياته دائما اجلس معه واحاول بشتى الطرق ان اقضي معظم وقتى معه وهوه يبادلني نفس الشعور بل واكثر من ذلك قليلا كان له اخت اقل من عمرنا قليلا تعاملنى كالاخ بالنسبة لي ولكن ليس بالنسبة لها لم الاحظ ذلك ابدا ولم يخطر ذلك في بالي في اى من هذه الايام الماضية هيه على قدر عال من الجمال والادب والاخلاق و..و و و .و في احد الايام كنت لوحدى بالجامعة لمرض صديقى المفاجئ وتلقيت في هذا اليوم صدمة ليس بالسهلة علي ولا على اى شخص في نفس موقفي جائتنى اخته وصارحتنى بشعورها تجاهى وولاسف وجدت نفسي هائما في ذلك الحب والذي كنت في قرارة نفسي ارفضه بكل المقاييس لاعتباري ان ذلك من باب الخيانة . . . . . . تعددت بيننا الرسايل " بينى وبين اخته " والله حبا وليس غير ذلك ووجدت نفسي بين نارين قد تلتهمانى واموت في كلتا الحالتين فماذا افعل ؟ ؟ ؟ اصارحه بما اكن لاخته في نفسي ؟ وذلك صعب وهوه لن يتفهمه بسهولة ام ابعد عنها بعد ان ارتبطت بها وارتبطت هيه بي لدرجة كبيرة ومن الممكن ان اضيع من دونها "" عاوز اجابة صريحة وعاوزك تتقمص الشخصية بالظبط ماشى يانيو .. انا ساعتها هاحاول اتخذ خطوة رهيبة وهى إنى اعترف لصاحبى بكده او ممكن ابعد عنها بس مااابعدش قلبى وبعد مااجهز نفسى اتقدم ليها وده قد يكون افضل الحلول لكن مااعتقدش انى هاتخلى عنها او هبقى مستعد انى اخسر صاحبى !!
4- واخيرا لحظة صدق مع نفسك هتقول لمين الكلام ده " جاوب من غير متفكر وجاوب بصراحة "
- أنا آسف
لكل الناس اللى زعلت منى او حصل بينى وبينها سوء فهم
- اكرهك
لصاحب غدر بيه
- لا استطيع
لاهلى فى موقف معين حصل معايا !!
- سامحنى
لكل واحد غلطت فى حقه وخاصة والديه
- مش قادر أنساك
لا مفيش حد بل بالعكس اقول قادر انساك ع كل واحد فكر انه ممكن يعذبنى
- مشتاق
لاصحابى اللى مشوفتهمش
- فراق
لكل من لا يريدنى فى حياته
- مدمعيش
لكل حد عزيز عليه وخاصة والديه
- كل يوم
اصحابى برضه
- زعلان
لاتنين فى حياتى آسيوا عليه اوى
- فرصة اخيرة
لا خلاص مفيش فرص تانى !!
- هوصلك
اللى بحبها ولسه معرفهاش ولا اقبلتهاش
- راحل
لكل واحد برضه مش عايزنى فى حياته
- خايف
من اللى جاى بس متفائل اوووى والحمد لله
- اهون عليك
لواحد صاحبى
- بستناك
برضه اللى بحبها ولسه معرفهاش ولا اقبلتهاش
- نسينى
برضه اللى بحبها ولسه معرفهاش ولا اقبلتهاش
- طمن قلبي لكل واحد ليه فرحه عنده
- عشانك هاعيش
ربنا سبحانه وتعالى وعشان الرسالة اللى بشر جم عشانها
بس كده اربع اسئلة سهلين قوووى قوووى قوووى وعاوزك تجاوبنى بصراحة واسف للاطالة وياريت تشوف اسئلتى هادفة الى حد ما سلام بقى يا احلى عضو وإيه شكلك واثق قوى من سهولتها هتتردلك سواء هنا او هناك طبعا فاهمنى !! ده سكيتر يا شباب وهوه بيجاوب 
ههههههه هههههههههه ع فكرة ياشباب نيو ده صاحبى من زماان اوى وبلدياتى وكماان جاى من نفس المنتدى اللى انا فيه عشان كده بيالس عليه وقريب اوى منى
سلااام ابقى تعالى كل يوم ههههههه 