السلام عليكم ورحمه الله وبركاته
وعليكم السلام ورحمة الله وبركاته

اهلاً ومرحباً بيكم ف اول حلقه من برنامجنا ضيف فى ورطه "عايشه دور المذيعه"
اهلا بيكى يا شوشو

اولا قبل ما ابتدى اقدم الضيف الاول بتاعنا.. عايزه اقولكوا انى انا اللى هقدم الحلقه دى بدل lolofree عشان منأخرش الحلقه الاولى اكتر من كده.

ندخل بقى ف الموضوع..

هو الضيف الاول مش مفاجآه ليكوا لأنه كان نتيجه ترشيحاتكوا.. وكان الاجماع عليه بلا منافس.
هههههههه مش للدرجة دى

بس قبل ما نبتدى خلينا نقول عليه نبذه بسيطه :smile:

هو عضو مش قديم اوى معانا.. بس وجوده عمل فرق اكيد..

مواضيعه وردوده بتعبر عن شخصيه بتفكر.. مش مواضيع ولا ردود سطحيه

عرف المنتدى عن طريق الصدفه.. وكانت صدفه غريبه فعلا.. بس صدفه جميله عشان كانت السبب ف وجود سكيتر معانا..

عموما انا مش هتكلم كتير.. المفروض احنا اللى نسأله ونسيبه هو يتكلم

باشكرك خالص ع المقدمة الرائعة دى ويارب اكون عند حسن ظن الجميع

رحبوا بالضيف الاول ف البرناااااامج....

سكيتــــر

شكرا واهلا بيكم.. وربنا يستر

بس مش عيزاكوا ترحموه بقى.. اسئله كده م اللى قلبه يحبها عشان هو م الاصل صاحب الفكره.. ف لازم نلحق ناخد منه اللى نقدر عليه عشان متعرفوش هيعمل ايه فينا بعد كده

ههههههههه ماشى براحتكوا انتوا اللى هتيجبوه لنفسكم
وربنا يستر

عموما هبتدى انا بكام سؤال تسخين كده.. وربنا معاك يا بطل
ال كام سؤال ال .. دى اسئلة كتيير وصعبة

شعورك ايه وانت على كرسي الاعتراف ؟؟

هوه حاجة بتسعد اى واحد بس برضه متخوف من الاسئلة الصعبة والمحرجة وربنا يستر

اسمك وسنك وعنوانك ؟

أحمد حمدى .
19 الا شوية
مصر - الصعيد - أسيوط

عايزة اعرف مين هو احمد ؟

أنا إنسان بسيط بابحث عن السعادة زى اى واحد
بحاول اشوف الصح واعمله بــس مش عارف اقوول اكتر من كده


هل مريت في تجربه عاطفيه قبل كدا ؟

اه .. كاى شاب فى سنى .. بس باعتبر نفسى لسه محبتش يعنى بس الحمد لله استفدت كتيير من التجارب اللى مريت بيها

وكام مرة ؟
يعنى حوالى 3

هل أنت مرتبط عاطفيا، ؟
لا .. لسه ملقتش اللى تناسبنى

لكل إنسان لحظات يختنق فيها إلى درجة الهلاك.. فماهي أكثر اللحظات اللى بتؤلمك ؟؟

اصعب اللحظات هيه لحظات الجرح خاصة من الناس اللى تحبها ولحظات الاهانة واحيانا سوء الفهم

من الذي يثير دموووعك....؟

الاهانة وانى اتجرح برضه .. ولما احس نفسى غلطان اووى بااعد مع نفسى وممكن تثار دموعى

هل الدموع تستطيع تعبر عما بداخلك من مشاعر؟
اه .. واحيانا مايبقاش غير هيه كوسيلة للتعبير

انتا بتشوف شخصيتك ع النت هي نفسها شخصيتك ع الطبيعة ولا بيختلف؟ .... وليه؟؟

الحمد لله ، اعتقد إن فى تقارب كبير بين الاتنين يعنى مفيش اختلاف
يعنى ع الطبيعة برضه بحب اتعرف ع ناس كتيير وبهتم بالمواضيع وبشوف برامج كتيير ففى تقارب كبير والحمد لله

رايك ايه ف نفسك ؟

اممممم مش عارف بس اعتقد إن دى مش انا اللى احددها !!

و عيوبك و ممزاتك ايه ؟

عيوبى : بتاثر بسرعة ، ساعات بابقى انطوائى بس الحمد لله دى تقريبا اقدرت اقضى عليها ، مش شكاك .. وعيوب تانية كتيير
مميزاتى : يمكن بتاثر ، واثق من نفسى ، متفائل بشكل معقول

ندمت قبل كده على حاجة عملتها ؟

اكييد طبعا ، يعنى لما بحس انى عملت حاجة غلط اكييد ابسط حاجة هتكون الندم

قولى موقف كان صعب عليك و مش ممكن تنساه

هوه سؤال صعب شوية بس فى موقفين
1-يوم عيد ميلاد بنت خالتى قدملها هدية وكله نظر ليه بعين الشك !!
2-موقف تانى مضحك اتعرفت ع واحدة وكنت انا وصاحبى راحنالها كليتها وهيه فى مبنى تانى بعيد عن كليتى فبعد ماوصلنا وآاعدنا واحدة صاحبتها قالت للامن علينا وساعتها خدنا كلمتين جامدين ع إننا مش كليتنا وإيه اللى جابنا هههههههه حاجة تغيظ

انت راضي عن نفسك؟؟

الى حد ما ..

مين اكتر اعضاء بتعزهم بالمنتدى.. او نقول بترتاحلهم ؟

والله فى اعضاء كتيير كويسين وبارتاحلهم منهم
ليموو، عبدو ـ ميدو ـ irec - شوشو -سويت -نورسين-سارة.. واعضاء تانى كتيير

ايهما اصعب ان تعترف بالحب،، ام تعترف بالكراهيه لشخص ما ؟

من وجهه نظرى المتواضعة انك تعترف بالحب اصعب بكتيير من الكره

هل البعيد عن العين بعيد عن القلب ؟
لالا مااعتقدش كده خالص .. لانى القريب من القلب مش محتاج دايما انه يبقى قريب من العين !!

اذا رأيت انسان عزيز لديك فى موقف صعب تعجز يداك عن مساعدته ما هو أقل شىء ممكن تقدمه ؟

هانصحه وادعيله وهحااول بكل جهدى انى اساعده

من الذي تتمنى ان لا ترى دمعته ؟

والديه طبعا اول حاجة .. واى انسان بحبه او عزيز اوى عليه

موضوع دايما بيشغل فكرك وتفكيرك ؟

للاسف موضوع الحب والارتباط وفتاة احلامى من اكتر المواضيع اللى احيانا بتشغلنى

ايه اللى بيعجبك ف البنت عموما ؟ وايه اللى بتكرهه فيها ؟

اللى بيعجبنى شخصيتها واسلوب كلامها وذكائها وحنيتها وخجلها احيانا .. إلخ
اللى باكرهه .. انانيتها وتقلبها وغرورها واحيانا جرئتها

مواصفات فتاه احلامك ؟ بالتفصيـــل

اممم ..: تكون فاهمانى ، شخصيتها تعجبنى ، ذكية ، بتخاف عليه ، اجتماعية، شكلها مقبول ، ويكون فى بينى وبينها قبول ، وطبعا قبل كل ده تكون ملتزمة عشان تتقى الله فيه


بيقولوا فيه مقولة كده لما واحد بيفشل فى حبه يقوم يدور على بديل ..و هى "داويينى بالتى هى الداء" ، انت رأيك ايه فى الموضوع ده ؟

انا شايف انى للاسف اغلب الحالات اللى زى كده مابيكونش حب بيكون بدافع النسيان او الانتقام احيانا

لو فيه واحده بتحبك وبتموت فيك.. وواحده تانيه انت بتحبها وهتموت عليها.. تختار مين فيهم ؟

هوه اكييد امشى مع المثل خد اللى بيحبك مش اللى بيحبه
بس انا وقعت فعلا فى الحاجة الاولى بس برضه مينفعش
لانه لازم ابسطها حتى لو مش بحبها يكوون فى قبول ساعتها... ممكن يجى الحب و !!

مين هما الاعضاء اللى بتتابع ردودهم.. او بمعنى اصح ردودهم بتدخل مزاجك ؟
والله فى شوية اعضاء جدد لذاذ وكماان بتابع ردودك و سارة ولولو وسوسو وراشد وirec , devoted... إلخ

ومين هما الاعضاء اللى بتحس بسطحيه ف ردودهم ؟

بصراحة انا شايف إن معظم الاعشاء ردودهم ممتازة باستثناء اللى لفت نظرى وهوه alcenter

مين م الاعضاء تقوله كده :
الاول احب اقوول انى هاجاوب ع السؤال ده بناءا ع ردود الاعضاء

انت عنيد اوووى
اممم SOSO,the undertakerو[عزيزي الزائر يتوجب عليك التسجيل لمشاهدة الرابط للتسجيل اضغط هنا ]وراشد ومايسترو احيانا

انت صريح جداا
irec ، sweet angle ، شوشو ..

انت جرالك ايه
ا لوقور ، the undertaker
انت قاسى شوية
امم مااعتقدش انه فى !!
انت دمك خفيف اوووى
طبعا lolofree ، سارة .. إلخ
انت هييجى منك
والله كتيير منهم .. meshmesha ،norseen وعبدو ..،romidaوعبدو وميدو .. ومعلش يمكن اكون نسيت حد !!

انت دماغك حلوة
شوشو ، مايسترو ، لولوفرى ، devoted .. وناس كتيير برضه والحمد لله

خف شوية هزار
لولوفرى بس بجد دمك زى العسل !!
ارجع لمستواك
سويت وراشد و .. مش عارف مين تانى ..!!

ردودك جامدة جدااااا
فى شوية اعضاء جدد و irec , devoted ..
عيد حساباتك من اول و جديد
الوقور و[عزيزي الزائر يتوجب عليك التسجيل لمشاهدة الرابط للتسجيل اضغط هنا ] ونيو امم بس

انت جاد جداااااا
راشد و irec , devoted , ahmed dessokiوفى ناس تانى بس مش فاكر اووى

خف شوية من الشكر الكتير و اتكلم فى صميم الموضوع
ههههههههه لذيذة دى alcenter ، قالتى قول ، تيتو ، moky احيانا

وكفايه كده ف البدايه ونلتقى بعد الفاصل
يااااااه اسئلة كتيير وكتيير منها صعب ومحرج وربنا يستر فى الباقى وتتردلك

كنت عايز اقوول ان المجموعة الاخيرة انا جاوبت عليها بناءا ع الردود اللى بشوفها وكماان اسف ان كنت ناسى حد بس انا برضه مش قديم فى المنتدى
ارق تحياتى..