الموضوع
:
المدارس مش عجباني
عرض مشاركة واحدة
04-02-2008, 11:11 PM
#
2
(
permalink
)
Shoshou
- Admin -
والله يا موكى كلنا كنا بنعانى م الحاجات دى ف المدرسه
وانا حاسه باللى انت بتقوله لانى مكنتش بتعرضله من زمان.. ده لسه يدوب السنه اللى فاتت
الدروس ملهاش معنى.. وحشو دماغ ع الفاضى.. والمطلوب تحفظ وتصم.. عشان لما الممتحن يسال سؤال.. الكلمتين اللى ف دماغك يتدلقوا بسرعه قبل ما تنساهم
واتحداك بجد لو دخلت امتحان وجاوبت زى الفل وطلعت.. عارف لو كمان يومين بالظبط دخلت الامتحان تانى ؟ مش هتحل ولا كلمه
مش عشان انت مزاكرتش.. بس عشان انت نفسك مقتنع انك مش هتحتاج اللى زاكرته ده ف حياتك تانى.. ف بمجرد ما خلصت مصلحتك منه.. لا إرادى مسحته من زاكرتك..
طب انا فاكره بجد دروس ف القراءه والتاريخ والجغرافيا والمواد النظرى دى كلها.. كانت ممـــــله لأقصى حد وبجد كانت دى حصص النوم
بصراحه الكلام يطول يا موكى ف الموضوع ده
بس كل اللى هقولهولك ان ف رأيي ده تبع نظريه المؤامره.. ان المناهج تكون عقيمه.. والطالب يدخل المدرسه على امل انه يطلع بمعلومات تفتح عقله وتفيده.. بس للاسف بيطلع منها ابيض يا ورد.. وسورى ف اللفظ احنا المدارس عندنا بتخرج عقليات متخلفه..
مش لأن احنا دماغنا وحشه بالعكس.. بس لأن النظام ذات نفسه نظام فاشل..
عملنا ايه بتطوير المناهج اللى شغالين فيه ؟
مالها المناهج القديمه اللى خرجت الدكتور احمد زويل والاستاذ فاروق الباز ؟
ناس عباقره وكانوا بيدرسوا بمناهج زمان..
مش هطول عليك اكتر من كده بس ربنا يكون ف عونك.. ويكون ف عون كل اللى لسه بيدرسوا.. واهداء خاص للى ف ثانويه عامه.. اجمل ايام الحياه طبعا
ارق تحياتى..
التوقيع
Shoshou
مشاهدة ملفه الشخصي
إرسال رسالة خاصة إلى Shoshou
زيارة موقع Shoshou المفضل
البحث عن المشاركات التي كتبها Shoshou