ياجماعة انا شايف ان الموضوع ده ممكن نلخصه في نقاط صغيرة، وهي كالتالي:

* معنى إن الست دي كانت مضغوطة نفسيا، يبقى كان عندها حاجة اسمها "الاكتئاب العصبي" والإكتئاب ده
من ضمن مؤثراته في الانسان، إنه بيخليه تايه، ومش حاسس هو بيعمل ايه او ممكن يعمل ايه، وممكن
يؤدي الإكتئاب العصبي إلى إنه يخلي الإنسان المبتلى بيه (يقدم على الانتحار) يعني يموت نفسه مش
يموت غيره بس، وبعدين ليه مانحاسبش الشخص اللي كان السبب في مرض الست دي وخلاها مكتئبة
ومريضة بالشكل ده؟؟؟ انا مش بقول الكلام ده لاني دكتور نفساني ولا حاجة لكن انا قريت في الموضوع ده
كتير.

* لو احنا مؤمنين بقضاء ربنا وقدره هنعرف ان مافيش اي حدث بيحصل في الكون الا ويكون ربنا كاتبه عنده
في اللوح المحفوظ، وهنعرف كمان ان الست دي لو ماكانتش قتلت الولد ده ، كان الولد هيموت او يتقتل
عن طريق حد تاني، لان ربنا كاتب ان يكون عمره قصير، ومش عايزين ننسى "ان الحذر لايمنع قدر".

دي وجهة نظري في الموضوع، ووجهة النظر تحتمل الصواب والخطأ.

تحياتي،،،،،،،،،،،،