 مراية الحب عامية
فعلن اللي قال ان مراية الحب عامية معاه حق !!
فالموضوع دا اكتر حاجة تدل على كدا ، تاني حاجة واضح جداا ان عناد البنت فى انها تتزوج من الشخص اللي بتحبه و بالرغم من عدم موافقة أهلها صغرها جدااا فعين زوجها و دا لإنها بكدا أكدت له أنها سوري ( ملهاش كبير ) يمنعها عن شئ غلط بتعمله أو هتعمله. و غير كدا الفترة اللي كانت قبل الزواج اللي كاتبة الموضوع ماقالتش تفاصيلها بمعنى انه ممكن يكون حصل فيها حاجة بينها و بين زوجها أدت لإنها اصبحت فى نظره رخيصة جدااااااااا.
و بعدين بالنسبة لزوجها حاليا الموضوع كله عبارة عن انه متعود عليها مش بيحبها عشان كدا لما بتبعد عنه بيتعب و بيعمل المستحيل من وجهة نظره عشان يرجعها. لكن الحب حاجة تانية اساسه طبعا " الاحترام "
اما في الموقف الحالي اعتقد انه كان لازم مالبداية انها متتزوجوش و حاليا لازم تبعد عنه و بالرغم من اي خسائر عشان تلحق تنقذ ما يمكن انقاذه منها. و هتتعب شوية لكن الايام بتنسي. و متعرفش ممكن ربنا يكرمها و يرزقها بزوج صالح يعوضها عن الفترة اللي عاشت فيها مأساه حقيقية.
شكرا لموضوعك يا باشا
|