طبعاً عن تجربه هقولكوا على طريقة عمل المحشي زي ما اتعلمت
طبعاً كلنا نعرف ان المحشي كذا نوع
ممكن قنروب - ورق عنب - كوسه - بطاطس - فلفل - برنجان
تعالوا بقى اقولكوا على الطريقه
طبعا احنا نجيب الكرومبه ونقطع الورق بتاعها على حسب الترتيب
وبعد لما نخلص خالص نحط الميه عالنار لعند لما تغلي ونبدأ نحط الورق علشان يتسلق كويس
وبعد لما نخلص سلق الورق .......
نمسك كل ورقه لوحدها ونبدأ نقطعها مستطيلات بالسكينه ......
نبدأ بقى في عمل الأرز .... نسغل الأرز كويس بالميه وتكون ميه كويسه.
وبعدين نقطع بصله و3 فصوص ثوم
و4 حبات فلفل احمر او اخضر هندي او اي نوع فلفل حراق
وننزل كل الحاجات دي بالخلاط مع الملح طبعاً
وبعدين ربطه شبت وربطه بقدونس
نقطعهم بالسكينه كويس
ونضرب الصلصه مع الشبت والبقدونس كويس وبعدين نضرب معاهم الخلطه اللي عملناها فالخلاط
وبعد لما نضربهم كويس فبعض نحطهم على الأرز
وبعد كدا
نجيب الحله وننزل فيها شويه زيت قليل فيها وفوقها بعض من الاراق مفروده من الكرومب
ونبدأ بتعبئة كل المستطيلات اللي قطعناها من الكورمب
ونبدأ ننزل المستطيلات بالحله بعد لما نحشيها الأرز ونقفلها كويس
وبعد لما نخلص نأخد شوربه من الفراخ او اللحمه سواء كان دي او دي ونحطها على المحشي وتكون بمستوي المحشي بالحله وننزلها على النار
وتكون النار هاديه ونركز جداً على ان النار تكون هاديه ولمده بالظبط 45 دقيقه نلف الحله لفتين على النار
ونهدي النار شويه لمده 15 دقيقه.
وبعدها نرفع غطاء الحله لمدة 5 دقائق والنار كما هى
وبعد 5 دقائق نفصل النار ونسيب الغطاء فتحة صغيره ( كويس اني قولت صغيره لحد يشيل الغطا خالص
)
وجربوا الأكل وان شاء الله يعجبكوا جميعاً
ياريت الرجاله تتعلم تأكل من ايديها علشان يحسوا بالتعب اللي البنات بتتعبه