شكرا ليك يا ميزو وليكي يا شوشو علي ردودكوا
وشكرا ليك يا حمدي علي الرد بس انت اكيد تعرف ان مش كل اللي بيتجوزوا
بيكون عن حب وخصوصا الايام دي بيكون معظم الجواز زي ما بيسموه جواز صالونات
يعني مبيكنش اي طرف يعرف اي حاجه عن الطرف الاخر وبالتالي مبيكنش حد منهم فاهم التاني
بالنسبه بقي انه يدلل فيها ده مطلوب جدا ممكن يكونوا الطرفين متاكدين من حبهم بس لازم يكون في تدليل
والكلام الحلو بيتهيالي مش عايز وقت كتير يعني قبل ما تنام مثلا قولها تصبحي علي خير يا حبيبتي
وتحسسها انها اجمل واحده في الدنيا وده اكيد مش عيب ولا لعب عيال ولا انت رايك ايه
وبالنسبه بقي للنقطه 3 انا بقول ان المراه بتقعد في الخاله دي من 3 ايام لاسبوع بالكتير
يعني مش طول حياتها يا حمدي لكن في النقطه 4 ان المراه بطبيعتها بتحب تشارك الانسان اللي
بتحبه وخصوصا لما يكون زوجها كل حاجه في حياته ولما يكون متدايق تبقي عايزه تعرف ايه اللي مدايقه
علشان تحاول تخفف عنه بيتهيالي عرفت يا حمدي الفرق بين النقطتين اقراهم تاني وانت تقتنع
ومستنيه باقي الاراء تقبلوا تحياتي
