 رد: هل البنت الغير محجبة غير محترمة؟!!!!
بجد موضوع جميل يابوب
الواضح من تعليق اسلام ومحمد ان في اتفاق ان مقايس الاحترام والاخلاق مش من ضمنها او من اساسيتها الحجاب على اساس ان الدين والاخلاق برغم الترابط الي بينهم وتاثيرهم على بعض الا ان مش معنى نقص الدين نقص الاخلاق ومش معنى التدين اخلاق كريمه ودا اعتقد انه هايبقى راي الغالبيه عندنا
بس لو تسمحولي انا شايف ان الموضوع دا ممكن يكون ليه معنى في حاله واحده وهيا ان الحجاب يكون في عرف بلد معين من الاخلاق
بمعنى ان في السعوديه مثلا البنت الي مش محجبه تعتبر بنت مش محترمه لان العرف بيقول كدا
في الازهر مثلا البنت الي مش محجبه تعتبر بنت عندها خلل ونقص في التربيه
فالعرف ليه دور في تحديد مدى الارتباط بين الحجاب والاحترام
في نقطه تانيه ان انا شخصيا في وجهة نظري مش بحترم الست الكبيره الي عدت سن الشباب ولسه ماتحجبتش لان دا وان كان مش بالضروري يدل على انها انسانه بايظه او اخلاقها فلتانه بس ليه مدلول تاني عندي وهيا انها انسانه ماعندهاش وعي ومش عارفه مصلحتها وعقلها طفولي جدا
فاضل اعلق على تعليق محمد وهوا ان دي حريه شخصيه وربنا مش هايحاسبنا احنا او يحاسب اصحاب البنت
مع احترامي ليك يامحمد انا مش شايف زيك كدا
صحيح انها حريه شخصيه
بس ربنا هايحاسبنا ويحاسب اصحاب البنت لان الدعوه فرض كفايه وطالما ماقامش بيها العدد الكافي من المسلمين يبقى الكل يتحاسب عليها
وبرضو ماننساش ان (كلكم راعي وكل راعي مسئول عن رعيته) وطالما الانسانه دي ليك معاها كلام يبقى النصحيه واجبه عليك
اسف على الاطاله بس الموضوع فعلا شدني
وشكرا
|