منتديات عرب للجميع - عرض مشاركة واحدة

**Shoshou** · #1 (**permalink**) 03-01-2007, 12:18 AM

السلام عليكم ورحمه الله وبركاته..
ازيكوا كلكوا ؟
ان شاء الله تكوتوا تمام
ممكن اتكلم معاكوا شويه ؟
اكيد كل واحد مننا بيتعرض لمواقف كتير ف حياته بيفكر فيها وبتشغل مساحه من تفكيره
طيب وانت بتفكر كده مجاش ف بالك تسأل نفسك... ليه الموقف ده بالذات ؟
وليه ف الوقت ده بالذات ؟
هل بتعمل ذنب معين وانت ف البيت لوحدك وخايف حد ييجي.. وفجأه بعد ما تخلص اللى بتعمله ده على طووول تلاقى حد طب عليك ؟
طيب مفيش رساله معينه ف التليفزيون او ع النت او ف الجرايد او عموما يعنى اى وسيله اعلام ولما بتشوف الرساله دى بتحس انها لمست نقطه ضعفك ؟ او يحصل الموقف ده ف حياتك بعد فتره قصيره جدا ؟

انا عارفه ان الاجابه هى "ايوه" وانت كمان عارف كده .. بس انت مش بتهتم بيها ولا بتديها اى تفكير..
طب استنى بقى نتكلم...
انت عارف الكلام ده بيحصل ليه ؟
لان ربنا سبحانه وتعالى بيحبك وهى دى رسالاته ليك ولفيرك عشان ترجعله بسرعه وتتوب وتجدد ايمانك وتوقف اى ذنب انت عاجز انك توقفه..
طيب ممكن انقلكوا موقف حصل ف برنامج عمرو خالد ف برنامجه الاخير "باسمك نحيا"
ياريت تقروها للاخر بس..
كان فيه شاب بعيد كل البعد عن ربنا.. وكان قلبه جاحد وقاسى اوى.. واشتغل ف شركه سياحه.. وبعدين بعتوه مره للحرمين الشريفين كمرافق ف رحله عمره.. وف ليله كده م الليالى اللى اتعود انه يسهر فيها للفجر.. ملقاش حاجه يعملها.. المهم النور ابتدى يظهر والشمس تطلع. فلبس هدومه ونزل للكعبه يتفرج ويسلى وقته.. ف لقى هناك ناس معاهم مفتاح الكعبه وبينضفوها.. ف واحد منهم شاورله وقاله : "انت ، تحب تشوف الكعبه من جوه ؟؟!! تعالى معانا "
وبيقول الشاب ده : بمجرد دخولى حسيت انى مش طاهر ف مكان ف قمه النقاء والطهاره وحسيت ان ربنا بيناديني عشان اتوب.. ومن يومها وانا مش بسيب صلاه الا وبصليها ف المسجد !!
فهمتوا قصدى ؟
عرفتوا اللى انا بتكلم فيه ؟
عرفتوا ليه كل ده بيحصل ؟
عشان ربنا سبحانه وتعالى بيحب عباده وبيفرح برجوعهم ليه وبينادى ده وده وبيهمل ده شويه بس بيناديه ف الاخر..
ف هل تجيب دعوه الله اليك ؟ ولا لسه غافل ومش عابز تبطل ؟
راجعوه نفسكوا تانى.. اكيد هتلاقوا رسايل كتير من ربنا وانتوا مش اخدين بالكوا منها..

ارق تحياتى..