برأيك عزيزي العضو هل تحتمل كلمة الصراحة أكثر من معنى ؟ ما مفهومها الحقيقي بنظرك ؟
فى رايى الصراحه هى الحقيقه واكيد الحقيقه لها وجه واحد فقط يعنى لا تحتمل اكثر من معنى واحد
إلى أي مدى تكون الصراحة مجديه و مفيده؟
بتكون مجديه ومفيده مع اللى بيحبها ومحتاج صراحه الناس اللى حواليه وصدقهم يعنى يكونوا مرايته اما عكس ذلك فهى تضيع وقت وكلام
هل للصراحة سلبيات ؟ ما هي ؟
الصراحه فى نظرى ليس لها سلبيات لكن اذا اذا خرج الشخص عن القواعد الاخلاقيه للصراحه وتحولت الى وقاحه كما يقال لان بينها خيط رفيع اذا تعداه الشخص انقطع
ويجب ان تكون الصراحه فى محلها وتكون منطقيه ونابعه عن فهم وادراك للامور مش رغى على الفاضى وازل الناس منى واقول انا صريح
هل تخاف أو تتجنب مصارحة الأخرين بحقائقهم ؟
اكيد لا
لو انا على حق وكلامى فى محله وحقيقى مع التزامى بطيب الكلام والاسلوب المحترم فى عرض الكلام
هل ندمت يوما ما على صراحتك مع شخص ما و تمنيت لو أنك لم تكن صريحا معه؟
مش ندمت بس تقدر تقول ان الواحد بيتعلم على مدى الحياة والخبرة ليها عامل كبير فى التعامل مع الناس
يعنى مثلا لكل واحد مدخل وطريقه تقدر تتكلم معاه بيها من غير ما تسبب ليه اى جرح وان فيه ناس بتحب الصراحه وفيه ناس لا وانى اعرف الانسان كويس قبل ما اتكلم فى اى حاجه واراجع نفسى هل الفكرة اللى انا كونتها دى صح ولا غلط
ما موقفك من شخص صارحته بحقيقة ما غضب منك و أنهال عليك بما لا يرضيك ؟
والله ممكن اكون انا كنت غلط فى الكلام الى قلته وهو صح وعنده حق فى انه يثور وممكن يكون هو ضعيف وانا قلت الصح واكيد مش قدامه غير انه يثور ويعلى صوته فالصوت العالى دليل احيانا على ضعف موقف الانسان
وعادى بقى لانه هو كده مش عايز غير النفاق والمجامله ومش هاحاول معاه تانى انى اصارحه باى حقيقه ومش معنى كده انى اكذب لو تعرضت لموقف محتاج الصراحه
برأيك هل هناك فرق بين الصراحة , الوقاحة و الجراءة بالحديث ؟ أرجو التوضيح
اكيد واناقلت ده قبل كده فوق
تسلم يا نايت على الموضوعاتك الجميله دى
وفى انتظار المزيد
تحياتى
|