فى البدايه ان بشكركم على اهتمامكم بكل المواضيع وموضوعى النهارده مختلف ويارب يعجبكم.
تعالو ندردش شويا قبل ما ندخل الموضوع بس كمل القصه لاخرها اوكى ياللا بينا,
فى البدايه اعرفكم بيا وبقصتى انا ادم كنت شاب زى كتيير من شباب دلوقتى يعنى عايش اليوم بيومو مش فارق معايا هعمل ايه النهارده هروح فيين ميين حاى يزورنا هاكل ايه هكلم ميين كل ده مش مهم........ المهم انى مبصوت ومرتاح.
انسان جرئ جدا مبخفش من حد ولا على حد يعنى لو الدنيا ضربت قلبت انا ثثثثثثثثثثثابت...
مبزعلش على حاجه تروح\\منى مش فارق معايا حاجه مفيش حد مهم فى حياتى غير انى بضحك بخرج بعمل اللى انا عايزو وبس واكيد معايا صحابى .
يومى كان اخلص شغلى علشان اروح انام شويا واقوم علشان اسهر مع (الشله) اصحابى فى اى مكان.
المهم علشان مطولش عليكم فعلا مكانش بيفرق معايا فولان زعلان او حد مضايق او ده مش عايز يعرفك تانى كل ده مش مشكله المهم انى مرتاح وبعمل اللى انا عايزو والمشكله ان على ما اعتقد ان اصحابى نفس طباعى
المهم.
فى يوم من ايامى المعتاده حصل شئ غريب؟
كل اصحابى (الشله) حصل ليهم ظروف غريبه وكلها عاديه مش اللى هيا تمنعهم من التجمع زى مثلا دا والده خد منو عربيتو ودا خطيبتو خيرتو بيننا وبنها ودا اخوه تعبان ورايح معاه المستشفى اوكى...
مبقاش غيرى انا وواحد المشكله ان الواحد ده كان عندو استعداد انو يتغيير وديما بيتمنا انو يغيرنا وكان معترض على اللى احنا فيه المهم
خرجنا وعيشنا يومنا لحد اخرو وانا بوصلو(هذا حصل) بمجرد ركوبو جنبى نام على كتفى لحد لما وصلت تحت منزله .
وفى الوقت دا كانت الشمس اوشكت على الظهور,منتظر انو يقوم .....ولكن
توفى الى رحمة الله (على كتفى اكتر من ساعه وانا لم اشعر بخروج روحه من جسده بالقرب منى ولو كنت علمت بذللك لكنت مت بجانبه) يااااااااه عزرئيل جه جنبى قبض روحه وتركنى والفرق صغيير جدا
وفعلا انهرت جدا وخوف فظيع وكانت اول مره اعرف معنى كلمة خوف حسيت بزلزال او بشئ خرج من جسدى مثل اقتلاع شجره جزورها فى منتهى العمق شعرت بشعور فعلا مهما وصفت لن استطيع التعبير والاقوى انه انسان عنده استعداد للتغيير ومعترض على تصرفاتنا وكان يحاول ولكن (كان معانا).
الله يرحمو, ودا فعلا غيرنى جدا وخلانى فعلا امنت بقضاء الله وقدرو ولا مفر من الذهاب الى القبر سواء كنت شاب او طفل او مسن
خلانى مهتم بشغل بحس باللى حوليا احبهم اسمعلهم واحافظ على علاقتى بيهم واحترم حبهم ليا وخوفهم عليا
خلانى افكر فى الكلام قبل ان يخرجه لسانى احافظ على علاقتى مع الاصدقاء ونصحهم بالعمل الجيد وليس التشدد حب الحياه نعم ولكن الايمان بالله ورسول فى المرتبه الاولى والايمان بانك فى اى لحظه ممكن تبقى فى نفس المكان...
اكييد كتير منكم شباب وبنات قابل موقف غيرلو حياتو ؟
ولكن
هل سالت نفسك هل انا اتغيرت بقتناع وانا عايز ده وفاهم ليه؟
ولا خوف وهتغير علشان لازم اتغير وخلاص طييب لييه ...... مش عارف بس لازم اتغير علشان منتهيش ؟؟؟؟؟؟؟؟؟؟
واكييد يجماعه جوا كل حد فينا خيير وشر بس اللى يسيطر على واحد فيهم بجد هو اللى كسبان
بجدانا حاسس انى طولت عليكم بس بجد انا الموضوع ده فارق معايا وبقعد مع اصحاب كتيير كلهم اتغيرو نتيجه عن مواقف
احب اسمع رايكم او مواقف غيرت فيكو حاجه اى كانت مش شرط يبقى موقف ماساوى زى موقفى يارب محدش يشوفو.
اكييد فى مواقف اخف منها بس ليها معنا ياريت اسمع منكم ردود وادينا بنتعلم
شكرا ......(ادم).
.
[عزيزي الزائر يتوجب عليك التسجيل لمشاهدة الرابط للتسجيل اضغط هنا ]